MAMEYA WAWILI WAPIGWA RISASI MEXICO


This photo shows Mexican people looking at blood on the pavement in the site where Mayor Domingo Lopez Gonzalez was killed in San Juan Chamula, Chiapas state, on July 23, 2016. ©AFP
Wananchi wa Mexico wakitazama damu mahala ambapo Meya Domingo Lopez Gonzalez aliuawa katika mji wa San Juan Chamula, jimbo la Chiapas, Julai 23, 2016. 


Mameya wawili wameuawa kwa kupigwa risasi ndani ya siku mbili katika mtaa mmoja wenye ghasia nyingi za wababe wa madawa ya kulevya nchini Mexico.

Mamlaka nchini humo zinasema kuwa meya Ambrosio Soto Duarte kutoka katika mji mmoja maarufu kwa usafirishaji wa madawa ya kulevya katika jimbo la Guerrero kusini mwa nchi hiyo, alipigwa risasi siku ya Jumamosi jioni kwa majira ya nchi hiyo.

Imeripotiwa kuwa watu wenye silaha waliweka kizuizi kwenye njia kuu katika jimbo jirani la Michoacan wakiwa na magari kadhaa na kulishambulia kwa risasi gari la meya huyo.

Maofisa wawili wa serikali kuu waliokuwa wakimlinda meya huyo walijeruhiwa katika shambulizi hilo.

Maafisa wanasema kuwa Soto alipokea vitisho kutoka kwa kundi moja la wauza madawa ya kulevya na alikuwa akilindwa na maafisa wa polisi kutoka serikali kuu.

Guerrero ni miongoni mwa majimbo hatari na yenye ghasia nyingi nchini Mexico. Imekuwa sehemu ya matukio mengo ya utekaji na mauaji yanayohusisha biashara ya madawa ya kulevya.

Mauaji hayo yametokea baada ya meya mmoja na watu wengine wanne kupigwa risasi na kuuawa katika mji wa San Juan Chamula kwenye jimbo la Chiapas kusini mwa nchi hiyo siku ya Jumamosi.


Meya huyo alikuwa kwenye mkutano na wananchi ambapo watu wenye silaha walikuja na kuufyatulia risasi mkutano huo. Makumi ya watu walijeruhiwa na kupelekwa hospitali.

Maofisa wanasema kuwa watu sita walikamatwa kuhusiana na shambulizi la Jumapili.

Ambrosio Soto Duarte, meya wa mji mmoja katika jimbo la Guerrero nchini Mexico, aliuawa kwa kupigwa risasi mnamo Julai 23. 2016. (picha ya maktaba)

Jumla ya mauaji 324, yote yakihusiana na vikundi vya uhalifu na madawa ya kulevya, yaliripotiwa kutokea katika jimbo hilo  ndani ya miezi miwili kati ya Oktoba na Desemba mwaka jana, kwa mujibu wa takwimu rasmi.

Mexico imekuwa katika ghasia za vita vya madawa ya kulevya ambavyo vimegharimu maisha ya makumi kwa maelfu ya watu. Kwa uchache mameya 75 wameuawa nchini humo katika kipindi cha muongo mmoja.

WhatsApp: +255 712 566 595



Share on Google Plus

About Kabuga Kanyegeri

This is a short description in the author block about the author. You edit it by entering text in the "Biographical Info" field in the user admin panel.