KUTANA NA MREMBO WA CHUO KIKUU ALIYEAMUA KUWA MTENGENEZA VIATU

 13880275_10153906375533163_96700330227631938_n


Michelle Ekure ni binti mrembo wa Kinigeria aliyezaliwa katika familia ya Bwana Ekure katika Jimbo la Delta nchini Nigeria.

Binti huyu ni mhitimu wa Taaluma za Kimataifa na Diplomasia katika Chuo Kikuu cha Benin. Katika kukabiliana na ukosefu wa kazi aliamua kujishughulisha na utengenezaji na ubunifu wa viatu yeye mwenyewe.

Katika mahojiano na Lukmon wa Wazobia Global Times, Michelle alielezea safari yake ya kuingia kwenye tasnia ya utengenezaji wa viatu.

Ifuatayo ni sehemu ya mahojiano hayo:

Lukmon: Kwa nini uliamua kuingia kwenye fani ya utengenezaji viatu?

 Michelle: Nadhani Mungu ndiye aliyeniongoza, kwa sababu sikuwa na wazo lolote kwamba siku moja nitakuwa mtengeneza viatu. Nilihitimu masomo ya Chuo Kikuu miaka sita iliyopita, nikatafuta kazi lakini sikupata. Wakati fulani niliajiriwa kwenye kampuni moja mjini Lagos, lakini bosi alikuwa na manyanyaso kupita kiasi, hivyo nikaamua kuondoka.


13934689_10153906375653163_4496890236856516915_n

Na kuhusu nilivyoanza: Kuna kampuni ambayo ninanua viatu vya wazi mjini Lagos na kuviuza. Wanauza viatu vizuri. Hivyo siku moja niliwaza iwapo naweza kuwaambia watu hawa wanitengenezee viatu vya wazi (sandals) vyenye nembo yangu, nikawaeleza wakakubali. Hivyo ndivyo nilivyopata jozi ya kwanza ya viatu vyangu. Kisha rafiki yangu mmoja alinitambulisha kwa mtu anayetengeneza viatu. Nilimtazama anavyotengeneza na nilishangazwa sana, nikamuomba anifundishe, akakubali.

Lukmon: Mwanzo mzuri sana.
Michelle: hmm. Ahsante.

Lukmon: Sasa unawezaje kufanya mauzo na wateja wako ni watu gani?

Michelle: Wateja wangu ni wanaume wenye heshima zao, watu kama vile mchekeshaji maarufu wa Nigeria Alibaba… ninafanya mauzo ya moja kwa moja, lakini ninafanya mauzo mengi zaidi kupitia mitandano ya kijamii kama vile instagram, facebook na twitter. Ninauza zaidi ya jozi 50 kwa wiki.

Lukmon: Ni mafanikio makubwa! Hiyo ni idadi kubwa. Bila shaka utakuwa mchapa kazi sana. Una washirika?
Michelle: Kwa sasa hapana, labda wakati fulani nitakuwa nao. Lakini nina watu ambao ninawafundisha.

Lukmon: Una wanafunzi wangapi?
Michelle: Wapo kama 6 hivi na wengine wanaendelea kuja.

Lukmon: Kuhusu mchekeshaji maarufu wa Nigeria, Alibaba. Tumeona picha mbalimbali ukiwa naye. Je, mna uhusiano au udugu wowote?
Michelle: Hapana, hatuna uhusiano. Lakini ni kama baba yangu. Daima anapenda kuona nikifanikiwa.

Lukmon: Hivyo, kama si utengenezaji viatu, ungekuwa wafanya kazi gani?
Michelleo: Labda ningefanya kazi katika masuala ya kimataifa, kwenye ubalozi au kwenye ofisi ya Umoja wa Mataifa. Ninapenda kuwa mwanadiplomasia.

Lukmon: Hmm. Hilo linaweza kutokea siku moja.
Michelle: Ni kweli. (anatabasamu).

Lukmon: Una ushauri gani kwa mabinti ambao hawajapata njia ya kutokea?
Michelle: Daima huwa nawaambia watu ninaokutana nao na wanaotafuta kitu cha kuanzia kwamba, chochote unachoweza kukifanya na kikakupatia pesa kifanye, au jifunze kufanya biashara yoyote.

Lukmon: Ahsante kwa kutupa fursa ya kuongea na wewe, tunakushukuru sana.
Michelle: Karibu tena Lukmon.

13876156_10153906375528163_1294047674199411667_n

13876214_10153906375643163_7076015219292282399_n

NINI MAONI YAKO? TUPIA MAONI YAKO HAPA CHINI.

Ungana nasi katika WhatsApp: +255 712 566 595




Share on Google Plus

About Kabuga Kanyegeri

This is a short description in the author block about the author. You edit it by entering text in the "Biographical Info" field in the user admin panel.