MALAYSIA YAITAKA MYANMAR KUKOMESHA UKATILI DHIDI YA JAMII YA ROHINGYA

Malaysia urges Myanmar to end violence against Rohingya 


KUALA LUMPUR

Waziri Mkuu wa Malaysia, Najib Razak, ameitolewa wito serikali ya Myanmar kukomesha mara moja aina zote za dhulma za kijeshi dhidi ya Waislamu wa jamii ya Rohingya kama inataka kuwa na uhusiano mzuri na nchi zote za Kiislamu.

"Kama rafiki mkubwa na wa muda mrefu wa Myanmar, ninalisema hili kutoka kwenye kina cha moyo wangu – ni muda wa kukomesha mgogoro huu [katika mkoa wa Rakhine]," Razak aliuambia mkutano wa dharura wa Mawaziri wa Mambo ya Nje wa Nchi za Ushirikiano wa Kiislamu (OIC) wanaokutana kujadili suala la Waislamu wa jamii ya Rohingya.

Mkutano huo wa siku moja unafanyika mjini Kuala Lumpur na kuhudhuriwa na mawaziri wa mambo ya nje kutoka nchi zote 57 ambao ni wanachama wa OIC.

Waziri mkuu huyo alitoa wito wa kukomesha mara moja ukatili unaofanywa dhidi ya jamii hiyo ya Rohingya.

"Kwanza kabisa, mauaji yanatakiwa kukomeshwa; uchomaji wa makazi unatakiwa kukomeshwa; dhulma dhidi ya wanawake na mabinti unatakiwa kukomeshwa; unyanyasaji dhidi ya ndugu zenu, eti kwa sababu tu ni Waislamu, unatakiwa kukomeshwa; na suala la kuwanyima haki za msingi binadamu wenzenu linatakiwa kukomeshwa," alionya. Razak aliendelea kusema kuwa OIC imeitaka serikali ya Myanmar kuruhusu upelekaji wa misaada ya kiutu katika maeneo yaliyoathirika.

Alisema kuwa Malaysia itatoa msaada wa dola milioni 2.25 kwa lengo la kusaidia juhudi za kiutu na ujenzi wa miradi ya kijamii katika mkoa wa Rakhine kama vile shule na hospitali.

"Wakati huo huo, tunaitolea wito serikali ya Myanmar kuandaa mazingira salama na amani ya kurejea kwa wakimbizi katika makazi yao na jamii zao kwa heshima," alisema na kuongeza kuwa kwa sasa Malaysia inawahifadhi wakimbizi wapatao 50,000 wa jamii ya Rohingya.

Razak alisema kuwa OIC ina wasiwasi kwamba jamii hiyo iliyodhulumiwa inaweza kuingiziwa kasumba za misimamo mikali iwapo suala hilo halitoshughulikiwa kikamilifu.

Alisema kuwa nchi wanachama wa OIC wanatambua vizuri kwamba makundi ya kigaidi kama vile Daesh yanaweza kuitumia hali hiyo kama fursa kwao.

"Hilo litaitia wasiwasi jamii yote ya kimataifa, kwa kuwa makundi ya kigaidi yanapopata makao mapya husababisha vifo na maangamizi yanayoweza kuvuka mipaka ya nchi husika na eneo zima kwa ujumla."

Aidha, alisisitiza kuwa msimamo wa umma wa Malaysia kuhusu mateso ya jamii ya Rohingya haumaanishi kuingilia mambo ya ndani ya Myanmar.

Hata hivyo, lisema kuwa mataifa hayo hatokaa kimya, hususan katika hali ambayo masuala ya ndani ya nchi fulani yanaposababisha ukosefu wa uthabiti kwa nchi nyingine.


Makundi ya watetezi wa jamii ya Rohingya yanadai kuwa mamia ya watu wa jamii hiyo wameuawa katika operesheni za kijeshi katika mkoa wa Rakhine kaskazini mwa nchi hiyo tangu Oktoba 9 baada ya kuuawa kwa polisi 9 kwenye mpaka wa Myanmar, huku serikali ya Myanmar ikisema ni watu 91 tu waliouawa, yaani askari 17 na watu wengine 74 wanaodaiwa kuwa washambuliaji.

Mashirika ya kiutu yametoa wito wa kufanyika kwa uchunguzi huru kuhusu mashambulizi hayo ya mwanzo, operesheni zinazoendelea na visa anuai vya ubakaji na ukiukaji wa haki za kibinadamu katika mkoa wa Rakhine, kwa sababu makundi ya kutetea haki za binadamu na waandishi wa habari wamezuiliwa kuingia eneo hilo baada ya kuwekwa chini ya udhibiti wa kijeshi.

Tangu Oktoba, Malaysia imekuwa ikiikosea serikali na jeshi la Myanmar kwa ukatili unaoendelea katika mkoa wa Rakhine, ikafuta mechi mbili za soka zilizokuwa zimepangwa kufanyika nchini Myanmar mwezi huu wa Januari na kutaka kukutana na Kansela wa Myanmar, Aung San Suu Kyi.

Mwezi Desemba mwaka jana, naibu mkurugenzi mkuu wa ofisi ya Rais wa Myanmar alitoa jibu kuwa misingi ya Jumuiya ya Mataifa ya Kusini Mashariki mwa Asia (ASEAN) – ambayo nchi zote mbili ni wanachama – inakataza nchi moja kuingilia masuala ya ndani ya nchi nyingine.

Zaw Htay aliiambia Myanmar Times kwamba watazungumza pia na balozi wa Malaysia kuhusu maandamano dhidi ya Myanmar na kuulizia iwapo waziri mkuu wa Malaysia alikuwa akishiriki.

"Kama ni hivyo, tutafuatilia tukio hilo," Zaw Htay alisema.
Mnamo mwezi Desemba, Razak aliongoza maelfu ya waandamanaji – wakiwemo maelfu ya watu wa jamii ya Rohingya, wengi wakiwa ni wakimbizi – kumwambia Suu Kyi – ambaye ni mshindi wa tuzo amani ya Nobel -- "kwamba sasa inatosha ".
"Nilimtaka waziri wangu wa mambo ya nje kukutana naye mara moja ili kutafuta ufumbuzi wa suala hilo, lakini alilikataa mara moja," alisema.

"Alimwambia waziri wangu kwamba angependa kukutana nasi kwenye masuala ya uhusiano wa Malaysia na Myanmar lakini sio suala la Rohingya. Hii ndiyo fikra ya mtu aliyeshinda tuzo ya Amani ya Nobel."


Aidha, Razak aliituhumu serikali ya Myanmar kwa kumuonya kuhusu uratibu wa maandamano hayo, lakini alisisitiza kuwa serikali ya Malaysia “haina hofu ya mashinikizo hayo ya kidiplomasia".
Share on Google Plus

About Kabuga Kanyegeri

This is a short description in the author block about the author. You edit it by entering text in the "Biographical Info" field in the user admin panel.