MAFURIKO YAUA NA KUWAKOSESHA MAKAZI WATU MILIONI 1.6 NCHINI CHINA

This picture taken on July 2, 2017 shows a general view of a flooded street in Loudi, Hunan province. (By AFP)
Picha hii iliyopigwa Julai 2, 2017 ikionesha mtaa uliokumbwa na mafuriko katika eneo la Loudi, katika jimbo la Hunan.



Mafuriko na maporomoko ya ardhi vimeua watu kadhaa katika jimbo la Hunan katikati mwa China kufuatia mvua zilizowafanya watu milioni 1.6 kukosa makazi, mamlaka nchini humo zimesema.

Kiasi cha nyumba 53,000 zimeanguka huku kiasi cha nyingine 350,000 zikiharibiwa vibaya baada ya mvua iliyonyesha kwa muda wa siku 11 mfululizo, kwa mujibu wa Tang Biyu, naibu mkurugenzi wa kitengo cha huduma za kijamii katika jimbo hilo.

Kwa uchache watu 63 waliuawa na maporomoko ya ardhi, maporomoko ya vifusi au nyumba zilizoanguka, huku kiasi cha 20 wakiwa hawajulikani waliko, almesema Tang katika taarifa yake ambayo ilieleza kuwa hasara iliyotokana na mvua hiyo ni kiasi cha dola bilioni 5.6.

Maeneo ya katikati na kusini mwa China yamekumbwa na gharika tangu mwezi jana.

Wiki iliyopita, mamlaka katika mkoa wa kusini wa Guangxi ziliripoti kuwa watu zaidi ya ishirini walipoteza maisha au kupotea katika mafuriko ambayo pia yaliharibu maelfu ya makazi.


Mwishoni mwa mwezi Juni, maporomoko makubwa ya ardhi yalikizika kijiji katika jimbo la kusini magharibi la Sichuan, yakaua watu wasiopungua 10 na kuwaacha wengine 73 wakiwa hawajulikani waliko.
Share on Google Plus

About Kabuga Kanyegeri

This is a short description in the author block about the author. You edit it by entering text in the "Biographical Info" field in the user admin panel.